Ang sanhi at implikasyon ng pagkahumaling
ng mga Pilipino sa fast food ay isang kwaliteytib na pag-aaral na naglalayong
alamin, matuklasan, at maunawaan ang mga kadahilanan at epekto ng pagkahilig ng
mga Pilipino sa fast food.
Ang mga kinapanayam ay mga lalaki’t babaeng
labing-isa hanggang limampung-siyam na taong- gulang na nakatira sa Lungsod ng
Quezon, Lungsod ng Makati, at Rizal. Sa pamamagitan ng interbyu, nakakalap ng
datos at impormasyon mula sa mga kinapanayam na nagsaad na ang lasa, kasiyahang
dulot, at maging abalang buhay ay naging ilang sanhi ng pagkahilig at
pagtangkilik dito. Nakita na ang Pilipinas ay lipunang talagang tumatangkilik
sa fast food bagamat alam ng nakakarami ang negatibong dulot nito.
Bilang konklusyon, natuklasan ng mga
mananaliksik na samu’t sari ang mga sanhi at negatibo naman ang mga epekto ng
fast food sa mga tao. Napatunayang may kinalaman ang estado ng yaman,
pag-uugali, at pagbabago ng pamumuhay sa pagkahumaling at pagtangkilik sa fast
food at may mga negatibong epekto ito sa kalusugan (sakit sa puso, obesity,
etc) at kaisipan (pagka-adik o lubusang pagkahilig) ng mga tao.
Inirerekomenda naman ng mga mananaliksik
ang pagdaragdag ng bilang ng kinapanayam na may iba’t ibang estado, trabaho,
yaman, tirahan at edad nang maging mas malawak pa ang pag-aaral. Rinerekomenda
rin ang paglaan ng mas mahabang panahon nang sa gayo’y mas mausisa, masaliksik,
at mapag-aralan ang paksa.
No comments:
Post a Comment